Ажиглалтын мэдээ > Голын усны тойм мэдээ
Шинэчлэгдсэн: 2021-10-12 15:23:49

Хэвлэх

Гол мөрөн, нуурын мөсний үзэгдэл зузааны тойм 2021-10-12

2021 оны аравдугаар сарын  нэгдүгээр арав хоног

  1. Хойт мөсөн далайн ай савын гол, мөрөн

Хөвсгөлийн уулсаас эх авсан Дэлгэрмөрөн, Эг, Бэлтэс, Бүгсий, Үүр, Шишхэд зэрэг голуудын усны түвшин өмнөх арав хоногт 5-30 см буурсан ба ихэнх голуудад мөсний үзэгдэл ажиглагдаж эхлээгүй байгаа бол ус судлалын Бэлтэс-Баянзүрх харуул орчимд шингэн зайр гүйх үзэгдэл голлон ажиглагдсан байна.

Хангай нурууны араас усжих Идэр, Хануй, Чулуут, Суман, Хойттамир, Урдтамир гол болон Өгий, Тэрхийн цагаан нуурын усны түвшин өнгөрсөн арав хоногийн турш 5-25 см буурсан ерөнхий хандлагатай байсан байна. Идэр голын эхээр мөсний үзэгдэл эрчимжиж, дунд зэргийн зайр гүйх үзэгдэл зонхилон ажиглагдсан бол бусад голуудад тогтвортой мөсний үзэгдэл ажиглагдаагүй байна.  

Хэнтий нурууны баруун хажуугаас эхтэй Хүдэр, Хараа, Ерөө, Шарын гол, Тэрэлж, Туул, Сөгнөгөр, Сэлбэ, Улиастай, Шивэрт зэрэг голуудын усны түвшин 10 дугаар сарын эхний арав хоногийн турш аажим буурсан явцтай ба эдгээр голуудад мөсний үзэгдэл ажиглагдаж эхлээгүй байна.

 Сэлэнгэ мөрөн Орхон голын нийт уртын дагууд усны түвшин өнгөрсөн хугацааны турш 5-15 см буурсан хандлагатай байв.

   2.Номхон далайн ай савын гол, мөрөн

   Хэнтий нурууны ар, зүүн хажуугаас эхтэй Хурх голд өнгөрсөн хугацаанд шингэн зайр гүйх үзэгдэл зонхилон ажиглагдсан бол Эг, Барх, Онон, Балж, Хэрлэн,  Улз болон Их Хянганы нуруунаас усжих Халх голын дагууд хараахан мөсний үзэгдэл ажиглагдаж эхлээгүй ба өмнөх арав хоногийн турш усны түвшний бууралттай байсан байна.

3. Төв Азийн гадагш урсацгүй ай сав           

            Алтай нуруу болон түүний салбар уулсаас усжих Ховд, Буянт, Булган, Сагсай, Турган, Харбут, Чигэртэй, Дундцэнхэр, Чонохарайх, Төгрөг, Долооннуур  зэрэг голуудын усны түвшин өмнөх арав хоногийн турш аажим буурсан байна. Харин Харбут, Чигэртэй болон Булган голын эхээр мөсөн зах үүсч өтгөн зайр гүйх, нимгэн мөсөн бүрхүүл тогтох зэрэг үзэгдэлүүд зонхилсон байна.

Хангай нурууны өврөөс эхтэй Богд, Чигэстэй, Буянт, Хүнгүй, Яруу, Хожуул, Тээл, Завхан, Зүйл, Шарга, Түй, Заг, Байдраг, Шаргалжуут, Цагаантуруут, Шар ус, Онги, Зэгстэй, Таац зэрэг голын усны түвшин өнгөрсөн хугацаанд 5-10 см буурсан  байна. Хангайн өврийн голуудад энэ хугацаанд мөсөн зах, шингэн болон дунд зэргийн зайр гүйх үзэгдэл давамгайлан ажиглагдсан байна.

Увс нуурын савын Чигж, Хархираа, Баруунтуруун, Түргэн, Тэс, Намир, Хангилцаг, Хариг зэрэг голуудын усны түвшин өмнөх арав хоногийн турш түвшний өөрчлөлт багатай байсан ба мөсөн зах өргөсөн зузаарах үзэгдэл давамгайлан ажиглагджээ.

Аравдугаар сарын нэгдүгээр арав хоногийн байдлаар манай орны ихэнх гол мөрний усны түвшин аажим буурсан явцтай байсан ба зарим жижиг голуудад мөсний үзэгдэл идэвхижиж эхэлсэн байна.

Гадаргын усны судалгааны хэлтэс

2021-10-12

 

Онцлох мэдээ

Улаанбаатар - 2021/10/16

14 цаг

1 33
O
CF
Үзэгдэлгүй
3 м/с

ӨНӨӨДӨР - 2021/10/16

3 37
O
CF
Багавтар үүлтэй

6 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store